Ливерпуль - Атлетико: матнли трансляция

Komp: Xabar sarlavhasi ostidagi

  • 120'

    Учрашув якунланди. "Атлетико" чорак финалда. Умумий ҳисоб 4:2 .

  • 120'

    ГООООЛЛЛЛ!!! Мората ҳаммасига нуқта қўйди. 2:3 (2:4)

  • 120'

    Қўшимча бўлимларга 2 дақиқа қўшиб берилди.

  • 120'

    Сауль рақиб ҳужумини тўхтатгани учун огоҳлантирилди.

  • 119'

    Арнольдга Моратага нисбатан қўполлик ишлатгани учун сариқ карточка кўрсатилди.

  • 115'

    Маненинг жарима майдони ташқарисидан берган зарбаси ноаниқ чиқди.

  • 113'

    Фирмино ўз ўрнини Минаминога бўшатиб берди.

  • 106'

    Иккинчи экстра тайм бошланди!

  • 106'

    Хосе Хименес Анхель Коррэа ўрнига майдонга ташланди.

  • 106'

    Дивок Ориги Жоржиньо Вийналдум ўрнига майдонга тушди.

  • 106'

    Фабиньо Жордан Хендерсонни алмаштирди.

  • 105'

    Қўшимча бўлимларнинг биринчиси ўз якунига етди. 2:2 (2:3)

  • 105'

    ГООООЛЛЛЛЛЛ!!! Льоренте ҳисобни тенглаштирди. Иккинчи бор Адрианни жарима майдони ташқарисидан ожиз қолдирди. Ҳозиргина майдонга тушган Мората ассист амалга оширди.

  • 105'

    Биринчи экстра таймга 2 дақиқа қўшиб берилди.

  • 103'

    Жоао Фелиш ўрнига Альваро Мората майдонга тушди.

  • 97'

    ГОООООЛЛЛЛЛ!!! "АТЛЕТИКООО"!!! Маркус Льоренте узоқдан тўпни дарвозага жойлади. Адрианнинг хатоси. 2:1 (2:2)

  • 94'

    ГОООООООЛЛЛЛЛ!!! РОБЕРТО ФИРМИНО! Бразилиялик футболчи қанотдан етказиб берилган тўпни дарвозага йўллади. Устунга теккан тўпни Фирмино бўш қолган дарвозага киритиб қўйди. 2:0 (2:1).

  • 92'

    Фирмино қулай вазиятдан тўпга бош билан яхши зарба бера олмади.

  • 91'

    Қўшимча бўлимлар бошланди.

  • 90'

    Учрашув асосий вақти ўз якунига етди. Экстра таймлар бўлади!

  • 90'

    ГООООЛЛЛ... эмас!!! Сауль ўйиндан ташқари ҳолатда қолиб кетган экан.

  • 90'

    Учрашув асосий вақтига 2 дақиқа қўшиб берилди

  • 87'

    Салаааҳҳҳ!!! Муҳаммад Салаҳ 3 рақибини доғда қолдириб зарба берди. Бироз ноаниқ.

  • 85'

    Милнер ҳаводан Вийналдумни тўп билан таьминлади. Голландиялик футболчи ҳам бош билан тўпни Манега тўпни етказиб берди. Маненинг акробатик услубда берган зарбаси дарвоза устидан ўтиб кетди.

  • 84'

    Вийналдумнинг ўткир бурчакдан берган зарбасини Облак қийинчилик билан бартараф этди.

  • 82'

    Алекс Окслейд-Чемберлен ўз ўрнини Жеймс Милнерга бўштиб берди.

  • 81'

    Арнолд тезкор бурчак заарбасини амалга оширди, Робертсон қулай имкониятни қўлдан бой берди.

  • 79'

    Иккинчи таймдаги "Атлетико"нинг дастлабки зарбасига Сауль муаллифлик қилди. Анчагина ноаниқ.

  • 76'

    Сўнгги 5 дақиқада "Атлетико" бироз жонланди.

  • 68'

    Облак бурчак зарбасидан узатилган тўпни ушлаб олишда хатога йўл қўйди. Ҳимоячилар тўпни узоқлаштиришди.

  • 67'

    Зарбааааа!!! Робертсон боши билан зарба берди. Тўп дарвоза тўсинига тегди.

  • 60'

    Жарима майдони ёнгинасида Томас тўпни қўли билан ўйнади. Жарима тўпидан сўнг ғоят хавфли зарба йўлланди. Ҳисоб ўзгармади.

  • 56'

    Диего Коста ўрнига Маркус Льоренте майдонга тушди.

  • 54'

    Чемберленнинг 30 метрлар чамаси масофадан берган зарбасини мадридликлар посбони қайтарди.

  • 52'

    "Ливерпуль"нинг ҳужумлари кўпайиб бормоқда. Чемберленнинг зарбаси ноаниқ кетди.

  • 50'

    Мане жуда йақин масофадан тўпни дарвоза томон йўллади. Облак ўз ўрнида. Ўйиндан ташқари ҳолат ҳам бор экан.

  • 48'

    Салаҳнинг қанотдан марказ томон юриб берган зарбаси Облакнинг ўзига бориб тушди.

  • 46'

    Иккинчи тайм старт олди.

  • 45'

    Биринчи тайм якунланди.

  • 45'

    Биринчи бўлимга бир дақиқа вақт қўшиб берилди.

  • 43'

    ГОООООЛЛЛЛЛ!!! Қанотдан Чемберлен томонидан узатилган тўпни Вийналдум боши билан дарвозага жойлади. 1:0 (1:1)

  • 42'

    Чемберленнинг жарима майдони ташқарисидан йўллаган зарбаси анча кучсиз ва ноаниқ

  • 39'

    "Ливерпуль"нинг бурчак тўпидан сўнг жарима майдончасида тартибсизлик юзага келди. Облак тўпни узоқлаштирди.

  • 36'

    Облааакккк!!! Қанотдан етказилган тўпни Фирмино дарвозага тўғрилаб қўймоқчи бўлди. Аммо дарвозабоннинг реакцияси жамоасини голдан сақлаб қолди.

  • 34'

    Салаҳ қанотда тўпни олиб қўйгач, марказ - Манега етказиб берди. Унинг берган зарбааси эса тўғри Облакнинг қўлига борди.

  • 33'

    "Атлетико" навбатдаги корнерни амалга оширди. "Ливерпуль" ҳимоячилари ўз ўрнида.

  • 26'

    "Ливерпуль" кетма-кет иккита бурчак зарбасидан ҳам ҳеч нарса чиқара олмади.

  • 21'

    ВАР "Атлетико" дарвозаси томон пенальтини кўриб чиқди, тўп қўл билан ўйналган бўлишии мумкин. Йўқ, ҳакам пенальти бермади.

  • 20'

    Робертсон бурчак зарбасидан тўпни узатиб берди. Мадридликлар ҳимоячилари ишончли ўйнашди.

  • 18'

    "Атлетико"нинг бурчак зарбаси хавфли чиқди. Фелипенинг бош билан берган зарбасига аниқлик етишмади.

  • 17'

    Тўп назорати яққол "Ливерпул"да: 67-33

  • 14'

    Облак!!! Чемберленнинг ўнг тарафдан берган зарбасини словениялик посбон қайтаришга муваффақ бўлди.

  • 10'

    Мане майдон марказини тўп билан босиб ўтди ва Салаҳни тўп билан таъминлади. Мисрлик футболчининг жарима майдони ташқарисидан берган зарбаси ноаниқ бўлди.

  • 8'

    Жо Гомез Фелишга нисбатан қоидани бузди. Жарима зарбасидан узатилган тўпга Триппьер ета олмади.

  • 5'

    Арнолднинг қанотдан етказиб берган тўпини Вийналдум боши билан дарвоза томон йўллади, Облак ўз ўрнида.

  • 4'

    Жоржиньо Вийналдум офсайдда қолиб кетгани сабабли "Ливерпуль" ҳужуми тўхтатилди.

  • 1'

    Дастлабки сониялардаёқ Жоао Фелишнинг пасидан сўнг Диего Коста зарба берди, бироз ноаниқ.

  • 1'

    Ўйин бошланди!

  • 1'

    Бугунги баҳсни Денни Маккелли бошчилигидаги голландиялик ҳакамлар бригадаси бошқариб боради.

Фикрлар

Саралаш
Фикр қолдириш учун авторизациядан ўтинг!
testuserforapple
12/03/2020 04:12
Шарҳ учун, фантастика ўйин учун рахмат
Жавоб ёзиш