Бугун Европа Чемпионлар лигаси 1/8 финал босқичи жавоб баҳсидан ўрин олган "Ливерпуль" - "Атлетико" учрашуви ўтказилади. Мазкур беллашув олдидан таниқли шарҳловчи Даврон Файзиев телеграмдаги ўзининг саҳифасида қуйидаги фикрларни ёзиб қолдирди:

- Футбол тарихида кўплаб катта камбэклар қайд этилган. Дейлик, агар Чемпионлар лигасида энг ёрқин камбэклар бешлиги тузиб чиқиладиган бўлса, иккита позицияни эгаллайдиган ягона клуб "Ливерпуль" бўлади.

3311572016336

Бири "Милан" билан финал ўйини. Иккинчиси "Барселона"га қарши уйдаги 4:0 ҳисоби.

Демак, "Ливерпуль"да қийин вазиятда, деворга тақалганда, йиқилиш арафасида турганда куч ва иродани ишлатиб юбориш хусусияти бор. Яъни, ҳаёт учун кураш инстинкти. Экстремал, ҳаёт учун хавфли вазиятларда инсон ўзининг яширин ва аввал сезилмаган қирраларини ишга солади.

Айтишингиз мумкин, 1:0 жуда унчалик экстремал вазият эмас, деб. Ҳисобга қарасак, ҳа шундай. Аммо рақибга келсак... "Атлетико" бу замонавий Крак де Шевалье қалъаси, яъни забт этиш қийин бўлган қўрғон. Айниқса, ҳисобни ушлаб қолиш учун ўйнаганда. Диего Симеоне битта тўп фарқини сақлаш масаласида дунёнинг энг кучли мутахассисларидан бири. Ҳимояланиш масаласида кучли тактик ва стратег. Эшитишимизча, унга Пентагондан ҳам таклифлар бўлган. Ҳазил, албатта. Аммо уддаларди.

PH3EPVPXUVCRTICSQ6JZ7VZBTY

Симеоне учун 1:0 ҳисобидаги устунлик идеал муҳит. Бу вазиятда ўйинни қуритиб, темпни бузиб, рақибни кескинлик билан кутиб олиб, жарима атрофини текислаб ташлайди. "Ливерпуль" учун ўз уйи, яъни "Энфилд" майдони бегонага айланиши мумкин.

Бугун фаворит йўқ.

Бугун супер тўқнашув бор!

Бугунги ўйин эртага тарихга айланади, жонли тарзда кўринг.

Очиғини айтганда, Юрген Клопп ва Диего Симеоне ўз йигитларига майдонга тушиш олдидан қандай эмоционал нутқ сўзлашини тасаввур қилсам этим жимирлаб, қизиқишим кўп карра ошмоқда. Бу ўйиндан чиройли, енгил, комбинацион футбол спектакли кутманг. Жанг бўлади, гладиаторлар жанги, фақат бир жамоа жон сақлаб қолади, - деди Даврон Файзиев.

liverpool-atletico-need-to-know-featured-940x530

Эслатиб ўтамиз, жамоаларнинг Мардирддаги тўқнашувида 1:0 ҳисобида мезбонлар ғалаба қозонганди. Бугунги ўйин Тошкент вақти билан 01:00да бошланади.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
Atletiko Madrid
11/03/2020 16:58
Asalomalekum oka atletiko ham padarkamas hujum qilishniham biladi kambek deysizmi siz faqat liverpul kambek larini gapirdiz amo atletikoni barsaga qarshi kambeki esizdan chiqdimi oka. men atletiko muhlisiman