"Ливерпуль" футболчисининг жамоадан кетиши кундан-кунга ойдинлашмоқда

"Ливерпуль" ярим ҳимоячиси Харви Эллиот жорий ёзда жамоани тарк этиши мумкин. Бу ҳақда "Daily Mail" нашри унинг сўзларига таяниб хабар берди: "Менга фақат қарор қабул қилиш ва бу нималарга олиб келишини кўриш қолди" — деган 22 ёшли футболчи.

Аввалроқ оммавий ахборот воситаларида "Ливерпуль" Эллиотни "Байер" футболчиси Флориан Вирц трансферига қўшиб юбориши мумкинлиги ҳақида хабарлар тарқалган эди. Шу сабабли футболчи ҳам жамоани тарк этиш ҳақида кўпроқ ўйлаётгани маълум бўлди.

Эллиотнинг амалдаги шартномаси 2027 йилнинг ўрталаригача амал қилади. Унинг Transfermarkt порталидаги нархи 30 миллион еврони ташкил этмоқда.

Эслатиб ўтамиз, Харви якунланган мавсумда "қизиллар" сафида 28 ўйинда майдонга тушиб, 5 та гол ва 3 та голли узатмани ўз ҳисобига ёздириб қўйди.