"Ливерпуль" Греция терма жамоаси ҳимоячисини сотиб олмоқда

"Ливерпуль" клуби "Олимпиакос" ҳимоячиси Константинос Цимикаснинг трансферини амалга оширишга жуда яқин турибди.

The Independent нашрининг хабар беришича, 24 ёшли грециялик футболчининг трансфери мерсисайдликларга 13 миллион еврога тушади. У янги ҳафтада Англияга келади ва “Ливерпуль” сафида тиббий кўрикдан ўтади.

Цимикас ўтган мавсум "Олимпиакос" сафида 46 та ўйинда майдонга тушди ва 1 та голга ассистентлик қилди. У Греция терма жамоаси сафида 3 та ўйинда иштирок этган.