"Ливерпуль" клуби собиқ ҳимоячиси фаолиятини А Серияда давом эттириши мумкин

Словакиялик машҳур ҳимоячи Мартин Шкртел фаолиятини Италия А Сериясида давом эттириши мумкин.

Италиялик журналист Жанлука ди Марционинг хабар беришича 34 ёшли футболчи айни дамда "Аталанта" клуби билан музокаралар ўтказмоқда. Айтиш керакки, ушбу жамоа ўтган мавсум А Серияда 3-ўринни қўлга киритган эди. Шу боис улар жорий мавсум ўз тарихларида илк бор Чемпионлар лигасида иштирок этишади.

Эслатиб ўтамиз, Шкртелнинг сўнгги жамоаси “Фенербахче” клуби бўлган эди. Унинг турк клуби билан шартномаси якунланди ва ҳозирда эркин агент ҳисобланади.

Маълумот учун, Мартин Шкртел фаолияти давомида шунингдек “Зенит” ҳамда “Ливерпуль” каби клубларда тўп сурган.