"Ливерпуль" собиқ футболчиси АПЛга қайтиши мумкин

"Астон Вилла" "Милан" билан дарвозабон Пепе Рейнанинг трансфери масаласида музокара ўтказмоқда, дея хабар бермоқда Daily Mail.

37 ёшли Рейнанинг АПЛга қайтиш истаги бирменгемликлар кипери Том Хитоннинг жароҳати боис амалга ошиши мумкин.

Маълумот учун, ортда қолган икки мавсум давомида дарвозабон миланликлар сафида олтита ўйинда майдонга тушди.

Эслатиб ўтамиз, испаниялик 2005-2014 йиллар давомида "Ливерпуль" дарвозасини қўриқлаган ва 285 та ўйинда майдонга тушган.