"Локомотив" етакчиси "Аталанта"га ўтиши кутилмоқда

“Локомотив” клуби ярим ҳимоячиси Алексей Миранчук фаолиятини Италия А Сериясида давом эттириши мумкин.

Sport Mediaset тарқатган хабарга қараганда, 24 ёшли россиялик футболчига “Аталанта”дан жиддий қизиқиш бўлмоқда. Эртага бергамоликлар ушбу масала юзасидан футболчининг вакиллари ва Москва клуби раҳбарияти билан учрашув ўтказишни режалаштирмоқда. Миранчукнинг трансфери А Серия вакилига 15 миллион еврога тушиши айтилмоқда. Бунга яна бонуслар ҳам қўшилиши мумкин.

Бундан аввалроқ, Алексейга “Милан” ҳам қизиқаётгани ҳақида хабарлар тарқалган эди. Унинг “Локомотив” билан амалдаги шартномаси 2021 йилга қадар имзоланган.