"Lokomotiv" futbolchisiga A Seriya va La Liga klublari xaridor bo‘lmoqda

Moskvaning “Lokomotiv” klubi himoyachisi Murilo Serkeyra yaqinlashib kelayotgan qishki transferlar davrida jamoasini o‘zgartirishi mumkin.

“Chempionat” nashrining xabar berishicha, 23 yoshli braziliyalik futbolchiga La Liga va A Seriya klublaridan takliflar bor. Ammo hozircha ushbu jamoalar nomi oshkor etilmayapti.

Murilo joriy mavsum Rossiya premer-ligasida 15 ta o‘yinda ishtirok etdi va 1 ta gol urishga muvaffaq bo‘ldi. U “Lokomotiv” safida 2019 yilning yozidan buyon to‘p surib kelmoqda. Uning transferi 2,5 mln evroga baholanmoqda.