"Локомотив" легионери собиқ клубига қайтди

Тожикистон миллий терма жамоаси сафида Қатардаги Осиё Кубогида иштирок этган ҳужумчи Рустам Соиров янги мавсумни ўз ватанида – “Истиқлол” клубида давом эттирадиган бўлди. У илгари ҳам ушбу жамоада ўйнаган.

Билсангиз, у ўтган йили қишда Тошкентнинг “Локомотив” жамоасига қўшилганди ва бир йиллик танаффусдан сўнг футболчи жамоасини ўзгартирди. Бу ҳақида “Локо” матбуот хизмати шундай ёзади:

“Тожикистонлик ҳужумчи Рустам Соиров фаолиятини ўз ватанида «Истиқлол» жамоасида давом эттиради.

Ўтган мавсум давомида 11 гол ва 3 та ассист қайд этиб, жамоамиз таркибида ўтган мавсумдаги энг яхши футболчи бўлган Рустам Соировга келгуси фаолиятида омад тилаймиз”, - дейилади клуб хабарида.