Луис Энрике аламли мағлубиятга ким айбдор эканини айтди

Европа Чемпионлар лигаси умумий босқичининг бешинчи турида “Бавария” ўз мухлислари кўз ўнгида “Пари Сен-Жермен”ни кичик ҳисобда мағлуб этди.

Мюнхенликларга ғалаба келтирган ягона голни кореялик ҳимоячи Ким Мин Джэ киритди. Учрашувнинг 57-дақиқасида парижликлар ҳужумкор футболчиси Усмон Дембеле иккинчи маротаба огоҳлантириш олиб, майдонни эрта тарк этди.

Учрашувдан кейин ПСЖ бош мураббийи Луис Энрике мағлубиятга ким сабабчи эканини айтди.

- Ҳар доим айбдор қидирилади. Агар айбдор бўлса, у менинг ўзим. Мағлубият учун жавобгарликни ўз зиммамга оламан. Ана, айбдор топилди. Шу лаҳзадан бошлаб, ҳар қандай танқидни кўтараман, - деди Луис Энрике.

Беш турдан кейин ПСЖ тўрт очко билан умумий жадвалда 26-поғонага тушиб қолди.