Луис Энрике “Реал”ни бошқаришга тайёр, лекин унинг катта шарти бор

“Пари Сен-Жермен”ни клуб тарихида илк бор Европа Чемпионлар лигаси ғолибига айлантирган бош мураббий Луис Энрике фаолиятини яна Испания чемпионатида давом эттириши мумкин.

Янги мураббий қидираётган “Реал” рўйхатида Луис Энрике ҳам бор. Шу боис, бу мутахассис 2026 йилнинг ёзида Парижни тарк этиб, Мадридга кўчиб ўтиши мумкин.

Topskills Sports UK нашрининг хабар беришича, Энрикенинг ўзи мадридликларнинг қизиши борлигидан хабар дор, у “Реал”ни бошқаришга тайёр, аммо ўзига яраша бир шарти бор.

Унга кўра, Луис Энрике футболчилар, трансферлар ва спортга оид қарорлар устидан тўлиқ назоратга эга бўлиши кафолатлансагина “Реал”ни қабул қилиб олади.

Энрике 2014–2017 йилларда “Барселона”ни муваффақиятли бошқарган ва жамоа билан Чемпионлар лигаси, клублар ўртасидаги жаҳон чемпионати, УЕФА Суперкубоги, икки марта Испания чемпионлиги, уч марта мамлакат кубоги ва бир марта Суперкубокни қўлга киритган.