Лука Модрич “Реал” бўйича якуний қарорга келди

Ёши ўтиб қолган Лука Модричнинг мавсум охирида “Реал” билан шартномаси якунланади.

AS нашрининг маълум қилишича, хорватиялик юлдуз Мадридни тарк этишга шошилмаяпти. 38 ёшли Модрич яна бир йил “Қироллик клуби” учун тўп тепишни истаяпти.

Лука Мадрид клубига 2012 йили “Тоттенхэм”дан кўчиб ўтган эди. Унинг “Реал”даги фаолияти жуда муваффақиятли чиқди.

Модрич “Реал” сафида Ла Лигадаги тўртинчи чемпионликка тайёрланяпти. Бундан ташқари, плеймейкер беш маротаба Европа Чемпионлар лигаси, тўрт мартадан УФЕА Суперкубоги ва клублар ўртасидаги жаҳон чемпионати ғолиби бўлган. Шунингдек, “Олтин тўп”ни қўлга киритган.