Mahmud Muradovning UFCdagi navbatdagi jang sanasi va raqibi ma’lum bo‘ldi

Aralash jang san’ati (MMA) bo‘yicha o‘rta (-84 kg) vazn toifasida oktagonga chiqib kelayotgan o‘zbekistonlik Mahmud Muradov (23-6, 14 KO) UFCdagi ikkinchi jang sanasi va unga raqiblik qiladigan sportchi nomi ma’lum bo‘ldi.

Hamyurtimiz 7 dekabr kuni "UFC on ESPN 7" turniri kechasida Trevor Smit (15-9) ga qarshi oktagonga ko‘tariladigan bo‘ldi.

Eslatib o‘tamiz, Mahmud Muradov "UFC Fight Night 160" kechasida italiyalik Alessio Di Kirikoga qarshi debyut jangini o‘tkazib, g‘alabani qo‘lga kiritgan edi.