"Ман Сити" спорт директори: Биз энг яхши бўлишга интиламиз, шунинг учун "Реал"ни мағлуб этишни хоҳлаймиз

"Манчестер Сити" спорт директори Чики Бегиристайн чемпионлар лигасининг 1/8 финал босқичига ташланган қуръа натижаси борасида фикр билдирди.

"Албатта, қийин бўлади. "Реал" 13 бор чемпион бўлган, шунинг учун ҳам улар энг яхши. Биз энг яхши бўлишга интиламиз, шунинг учун "Реал"ни мағлуб этишни хоҳлаймиз.

Доимо, Мадридга ташриф буюриб, "Бернабеу"дек катта стадионда ўйнаш ёқимли," - деди Бегиристайн.

Эслатиб ўтамиз, ЧЛнинг плей офф босқичида "Манчестер Сити" ва "Реал" ўзаро тўқнаш келади.