Мана шу футболчи “Ливерпуль”ни чемпион қилади

“Ливерпуль” жамоасининг собиқ футболчиси Жейми Каррагер ҳозирги таркибни кучайтириш учун Юрген Клопп қайси футболчини трансфер қилиши кераклигини айтди.

Жуд Беллингем “Ливерпуль”га идеал даражада мос тушади. Табиийки, бу жуда қиммат трансфер бўлади, лекин вақт ўтиши билан у ўзини оқлайди. Виржил ван Дейк ва Аллисонда ҳам худди шундай бўлган. 

Беллингем ҳали ёш ва камида беш йил “Ливерпуль”да ўйнаши мумкин. Бу жуда зўр сармоя бўлади, - деди Каррагер.

“Боруссия” футболчининг трансфери 100 миллион еврога баҳоланмоқда. 19 ёшли футболчини “Ливерпуль”дан ташқари “Манчестер Сити”, “Челси”, “Реал” ва ПСж каби жамоалар ўз сафида кўрмоқчи.