"Манчестер Сити" ЕЧЛ финалига қандай тайёрланмоқда?

"Манчестер Сити" бош мураббийи Хосеп Гвардиола мавсумнинг қолган қисмида футболчиларнинг кайфияти ҳақида ташвишда эмаслигини айтди.

"Шаҳарликлар"ни олдинда АПЛ доирасида "Брайтон" ва "Эвертон" билан, шунингдек Чемпионлар лигаси финалида "Челси" билан ўйин кутмоқда.

"Ньюкасл" билан ўйиндан сўнг, мен футболчиларга икки кун футболни унутиш ва оилалари билан дам олишлари учун вақт бердим. Энди биз ишлашимиз керак. Йигитлар машғулотларда жуда яхши ҳаракат қилишмоқда. "Эвертон" га қарши ўйиндан сўнг Чемпионлар лигаси финали ҳақида ўйлашимиз учун бизда яна 6 кун вақт бўлади. Ҳозир эса "Брайтон" ҳақида ўйлашимиз керак. Биз финалга энг зўр кайфиятда бормоқчимиз. Жамоа бўлажак ўйинда ғалаба қозониш учун ўйнайди ва бу финалга тайёргарликнинг энг яхши усулидир. Шундан сўнг биз "Челси"га кўпроқ этибор қаратамиз ", - деди Гвардиола.

“Брайтон” – “Манчестер Сити” учрашуви бугун Тошкент вақти билан соат 23:00 да бошланади.