"Манчестер Сити" ўз уйида ишончли ҳисобда зафар қучди

УЕФА Чемпионлар Лигаси 1-туридан ўрин олган "Манчестер Сити" - "Порту" учрашуви ўз якунга етди. Унда 3:1 ҳисоби қайд этилди.

Кутилмаганда, меҳмонлар футболчиси Луис Диас ҳисобни очганига қарамай, "шаҳарликлар" ўз устунлигини таблога кўчира олди. Дастлаб, Серхио Агуэро 20-дақиқада тарози паллаларини тенглаштирган бўлса, Илкай Гюндоган ҳамда Ферран торрес бир маротабадан ўз ҳисобига гол ёздириб қўйишга муваффақ бўлди.

• 90+4'
  

  Учрашув якунланди. Матнли трансляция Жавоҳир Азимов томонидан олиб борилди!

• 90+3'
  

  Фернандиньонинг жароҳати жиддий бўлиб чиқди. Унинг ўрнига Стоунз ўйинни якунлаб қўяди.

• 90+2'
  

  Фернандиньога тиббий ёрдам кўрсатилмоқда.

• 90'
  

  Асосий вақтга 3 дақиқа қўшиб берилди.

• 89'
  

  Яқиндагина майдонга тушган Фернандиньо огоҳлантирилди.

• 86'
  

  Родри ўз ўрнини Фернандиньога бўшатиб берди.

• 84'
  

  Рақиби билан ҳакамнинг хуштагидан кейин талашгани учун Пепе огоҳлантирилди.

• 84'

  Жарима майдони ичида Пепе Стерлинг билан курашга киришди. Йиқилиб тушган Стерлинг ҳакамга умид билан қарамоқда.

• 82'
  

  Ҳимоячини хато қилишга мажбур қилган Стерлинг тўпни қулайроқ позицияда турган Маҳрезга оширди. Рияднинг зарбасини дарвозабон қайтарди.

• 80'
  

  Маланг Сарр ҳам захирага олинди. Унинг ўрнига қолган вақт мобайнида Эванилсон ҳаракат қилади.

• 79'

  Мареганинг узоқ масофадан йўллаган зарбасига аниқлик етишмади.

• 77'
  

  Консейсаудан учталик "юриш": Мехди Тареми, Нану ва Накаджима ўйинга қўшилди. Улар ўрнига Фабиу Виейра, Хесус Корона ҳамда Зайду Сануси захирага олинди.

• 75'
  

  Меҳмонларнинг яна бир футболчисига тиббий ёрдам кўрсатилмоқда.

• 73'
  

  ГООООООООООЛЛЛЛЛЛЛ! Торрес ҳисобдаги фарқни оширди!

  Қанотда тўпни қабул қилиб олган Ферран марказга юриб, бир рақибини алдади ва узоқ бурчакка аниқ зарба берди.

• 71'

  "Сити" ўз услубига мувофиқ, қанотларни тез-тез ўзгартириб, жарима майдонига ёриб киришга уринмоқда.

• 68'
  

  Фил Фоден ва Ферран Торрес гол муаллифлари Серхио Агуэро ҳамда Илькай Гюндоган ўрнига майдонга тушди.

• 67'
  

  Эрик Гарсия Марегага нисбатан жиддий қўполлик ишлатди. Ҳакам вазиятни сариқ карточкага лойиқ деб топди.

• 65'
  

  ГООООООООООЛЛЛЛЛЛЛ! Гюндоган жамоасини ҳисобда олдинга олиб чиқди!

  Жарима тўпини немис хавбеки аниқ амалга оширди.

• 64'

  Жарима майдони яқинида Виейра Гюндоганни йиқитди. "Шаҳарликлар"да хавфли стандарт вазият юзагакелди.

• 61'

  "Порту"нинг ҳужумлари ҳам хавфли тус ола бошлади. Кетма-кет уринишлардан кейин гол ура олмаётган мезбонларнинг шашти бироз пасаймоқда.

• 58'

  Стандартдан етказиб берилган тўпга Родри ноаниқ зарба йўллади.

• 56'

  Маҳрезнинг жарима майдонига оширган тўпини шериклари қабул қила олмади.

• 54'
  

  Вилсон Манафа жамоасининг ягона голи муаллифи Луис Диасни алмаштирди.

• 51'

  Иккинчи бўлимни ҳам майдон эгалари фаолроқ бошлади. Тўп назорати айнан уларда.

• 49'
  

  Қарши ҳужумга ўтган "шаҳарликлар"нинг ҳужумига Гюндоган аниқ зарбаси билан нуқта қўйиши мумкин эди. Бироқ дарвозабон тўпни қайтарди.

• 49'

  Меҳмонлар кўпчилик бўлиб босим уюштирди. "Сити" ҳисмоячилари бир амаллаб тўпни узоқлаштирди.

• 48'

  Бернарду Сильва ҳужумда қоида бузди.

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз!

• 45+3'
  

  Танаффус!

• 45+3'

  Мусса Мареганинг бош билан йўллаган зарбаси тўсин юқорисидан ўтиб кетди.

• 45+2'

  "Сити"нинг ҳужумлари муваффақиятсизлик билан тугамоқда.

• 45'
  

  Биринчи бўлимга 3 дақиқа қўшиб берилди.

• 44'

  Бўлим сўнгида португаллар фаолликни оширди.

• 42'

  Уокер бу сафар дарвозага кириб кетаётган муқаррар голдан жамоасини қутқариб, қаҳрамонлик кўрсатди.

• 41'

  Ҳаводаги курашда Уокер Санусига нисбатан қўполлик ишлатди. Кайл бироз эҳтиёткорлик билан ўйнаши лозим. Унда сариқ карточка бор.

• 39'

  Бернардунинг узатмасидан сўнг қулай позицияга чиқиб борган Маҳрезнинг зарбаси ҳимоячига тегди.

• 38'

  Майдон эгалари кетма-кет 3 бор тўпни жарима майдонига узатди. Барчаси ҳимоячилар томонидан қайтарилди.

• 36'

  Иккинчи қаватдаги курашда Марегага қўллари билан зарба берган Канселу огоҳлантирилди. Ўйинда қўполликлар бироз кўпайиб кетмоқда.

• 35'
  

  Сильва рақибига жароҳат етказган кўринади. Унга тиббий ёрдам кўрсатилмоқда.

• 34'
  

  Тўпни ўзидан узоқлаштирган рақибини туртгани учун Бернарду Сильва огоҳлантирилди.

• 33'

  Жарима майдони марказига узатилган тўпни Эдерсон ишонч билан эгаллаб олди.

• 30'

  Бернарду Сильва ҳужумда қоида бузди. Навбатдаги ҳужум бесамар якунланди.

• 28'

  Мусса Мареганинг оёғини босиб олгани учун Кайл Уокер огоҳлантирилди.

• 26'

  Гвардиола шогирдлари доимгидек тўп назоратини ўзларида ушлаб турибди.

• 24'

  Ҳаводан узатилган тўпга етиш учун Маҳрезга тезлиги панд берди.

• 22'

  Эдерсоннинг хатосидан кейин тўпни эгаллаб олган меҳмонлар аъзоси бўш қолган дарвозага тўпни кирита олмади. Ўта қулай имконият кўкка совурилди.

• 20'
  

  ГОООООООООЛЛЛЛЛЛЛ! Агуэро ҳисобни тенглаштирди!

  Тўп олдига яқинлашган Агуэро ўзидан чап бурчакка кучли зарба берди. Тўп дарвозабоннинг йўлига тегиб, тўпдан жой олди.

• 19'

  Бош ҳакам ВАРдаги ёрдамчиларидан бу вазиятда қўполлик бўлганлиги ҳақида текширишни сўради. Ёрдамчилар унинг қарорини маъқуллади. Пенальти бор!

• 18'
  

  Олдинроқ Гюндоган билан тўқнашиб кетган меҳмонлар посбонига тиббий ёрдам кўрсатилмоқда.

• 17'
  

  "Порту" жарима майдони ичида палапартишлик юзага келди. Тўпни ўзида ушлаб турган Стерлингга нисбатан Пепе қоида бузди ва ҳакам 11 метрлик нуқтага ишора қилди.

• 14'
  

  ГООООООООООЛЛЛЛЛЛЛ! Луис Диас ҳисобни очди!

  Қанотда тўпни эгаллаб олган футболчи марказга юрди ва 2 рақибини доғда қолдириб, пастки бурчакка кучли зарба берди. Дарвозабон бу вазиятда ожиз қолди.

• 12'

  Меҳмонлар ҳам фаол ҳужумлар ташкил этишни бошлади.

• 10'

  Стерлинг жарима майдони ичида йиқилиб тушди. Ҳакам унга ўрнидан туриши лозимлигини айтди.

• 7'

  Бернарду икки рақиби ўртасида тўпни йўқотди.

• 5'

  "Шаҳарликлар" тинмай ҳужум уюштирмоқда. Бироқ зарбадан дарак йўқ.

• 3'

  Мезбонлар илк дақиқалардан тўп назоратини қўлга олишга уринмоқда.

• 1'
  

  Ўйин бошланди!

• 0'

  Футболчилар майдонга тушиб келмоқда. Биз ёқтирган Чемпионлар Лигаси мадҳияси янгради. Старт учун барчаси шай ҳолатда!