“Манчестер Сити” супертрансфер бўйича музокара бошлади

“Манчестер Сити” ёзги трансферлар даврида яна фаоллик кўрсатади. Хосеп Гвардиола жамоа таркибини ёш ва янги ижрочилар билан кучайтиришга қарор қилган.

Айни пайтда “шаҳарликлар” ёзда “Байер” плеймейкери Флориан Вирц трансфери бўйича иш бошлагани хабар қилинмоқда.

Football Insider нашри маълумотига кўра, манчестерликлар 21 ёшли футболчини қўлга киритиш учун Бундеслига вакили “Бавария” билан рақобатлашишига тўғри келади.

Вирц анчадан бери гранд клублар нишонида туради. Жорий мавсумда у 39 та учрашувда иштирок этиб, 15 та гол ва 13 та ассист муаллфи бўлди.

“Байер” 2027 йилнинг ёзигача давом этадиган шартномага эга ўйинчини 150 миллион евро эвазига қўйиб юбориши мумкинлиги айтилмоқда.