Манчестер суперклуби: Сен келмасанг, ўрнингга олтитаси бор!

“Манчестер Юнайтед” янги мавсум олдидан таркибини анча тартибга келтириб олди. Бош мураббий Рубен Аморим ўзининг талабларига жавоб бермайдиган футболчиларни таркибдан чиқаришга муваффақ бўлди.

Португалиялик мутахассис кетганлар ўрнини иқтидорли ижрочилар билан тўлдиришни давом эттиряпти. Бироқ бу осон бўлаётгани йўқ.

“Манчестер Юнайтед” мусаддилари “Брайтон” таянч ярим ҳимоячиси Карлос Балебани трансфер қилмоқчи эди. TBR Football нашрининг маълум қилишича, “Брайтон” раҳбарияти манчестерликлар  камерунлик футболчи учун талаб қилаётган  маблағни тўлай олмаслигини инобатга олиб, “Юнайтед” таклифини қабул қилмади.

“Манчестер Юнайтед” бундан тушкунликка тушгани йўқ. Улар 21 ёшли Балеба ўрнига олтита номзод топиб қўйди.

Рубен Аморим клуб мутасаддиларига Мортен Юльманн (“Спортинг”), Ангело Штиллер (“Штутгарт”), Хави Герра (“Валенсия”), Микель Хаурехисар (“Атлетик”), Ламин Камара (“Монако”) ҳамда Люсьен Агуме (“Севилья”) номзоди кўрсатилган рўйхатни берган.