“Манчестер Юнайтед” раҳбарияти бош мураббийга кутилмаган зарба берди

“Манчестер Юнайтед” раҳбарияти бош мураббий Эрик тен Хагнинг ҳамма истагини ҳам бажармаслигини кўрсатиб қўйди.

Ниделандиялик мутахассис жамоага учта янги ўйинчи чақирганди. Хусусан, унга ўз жарима майдончасидан чиқишга қўрқмайдиган ва тўпни аниқ узата оладиган дарвозабон керак экан.

Шу боис, “Айнтрахт” вакили Кевин Трапп ва “Боруссия М” посбони Ян Зоммерни ўз жамоасига чорлаганди. Клуб раҳбарияти Трапп учун 25 миллион евро тўлашдан бош тортди, Зоммернинг номзодини кўриб чиққани ҳам йўқ.

Шунингдек, раҳбарияти “Атлетико” ҳужумчиси Альваро Мората номзодини ҳам маъқулламади. Улар 29 ёшли  тўпурар учун талаб қилинган 30 миллион фунтни ўта қиммат, деб топди.