"Манчестер Юнайтед"нинг асосий мақсади аниқ

"Манчестер Юнайтед"нинг асосий трнасфер мақсади маълум. Инглизлар ёзда "Милан" ҳужумчиси Рафаэл Леауни ўз сафига қўшиб олмоқчи. 

"Telegraph" нашрининг ёзишича, "қизил иблислар" португалиялик иқтидорни олиб келиш учун бор кучини ишга солади. Манчестер клуби анчадан буён ҳужумчига муҳтож. 

Шу тариқа, МЮ эркин агент сифатида жамоани тарк этган Криштиану Роналдунинг ўрнини тўлдирмоқчи. Қишда шов-шувли трансферларни ошириш қийин, шунинг учун клуб мавсум якунини кутмоқчи. 

Леау жорий мавсум А Серияда 14 та ўйинда майдонга тушиб, 6 та гол урган ва 5 голга ассистентлик қилган.