Манчестерликлар таркибни янгилайди

Ёзги трансферлар мавсумида шов-шувли харидлар кўп бўладиганга ўхшайди. Молиявий имконияти катта ҳисобланган клублардан “Манчестер Сити” жамоанинг ҳужум салоҳиятини ошириш учун иккита супертрансферни амалга оширмоқчи.

Биринчи навбатда, “шаҳарликлар” ёзда “Боруссия” ҳужумчиси Эрлинг Холандни таклиф қилмоқчи. Гвардиола жамоасига бу трансфер маошларни қўшиб ҳисоблаганда, 450 миллион фунтдан қимматга тушиши аниқланган. Дортмундликлар ҳам ёзда норвегиялик ҳужумчини ушлаб қола олмаслигини билган ҳолда, уни 180 миллион еврога баҳоламоқда.

“Сити”нинг иккинчи нишони “Астон Вилла”нинг ҳужумкор футболчиси Жек Грилиш ҳисобланади. Хосеп Гвардиола анчадан бери бу ўйинчига харидор бўляпти. Қолаверса, “шаҳарликлар” майдон марказида ўйнайдиган футболчиларни ёшартиришга қарор қилган.

Янги ўйинчилар анчадан бери жамоада ўйнаётган Кевин де Брюйне, Рияд Маҳрез ва Илкай Гюндоған каби тажрибали ижрочилар ўрнини эгаллаши керак бўлади.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар