Мансур (Мангуст) Тўғизбоевга реванш таклиф қилишди

ММА жангчиси ва ММА бўйича мамлакатимизнинг энг зўр мураббийи Мансур (Мангуст) Тўғизбоевга қирғизистонлик Ноен Каликов реванш жангини таклиф қилди.

Гап шундаки, Мансур ва Ноен 2016 йилнинг апрель ойида Қирғизистоннинг Бишкек шаҳрида ўтган “ММА WEF GLOBAL 5” халқаро турнирининг 70 килограммгача вазн тоифасида куч синашган эди.

photo_2017-12-19_09-51-52

photo_2017-12-19_09-51-43

Мазкур жангнинг иккинчи раундида Мансур (Мангуст) Тўғизбоев рақибини техник нокаутга учратиб, чемпионлик камарини қўлга киритган.

Мағлубиятга учраган Ноен маҳоратли спортчимизга реванш жангини ўтказиш учун таклиф берди. Тажрибали Мансур Тўғизбоев бу таклифни қабул қилгани ҳақида Sports.uz интернет порталига хабар қилди.

“Жорий йилнинг ноябрь ойида Қирғизистонда ўтказилган “WEF 44 GLOBAL 10” турнирида Ноен билан учрашганимизда реванш жанги учун тайёргарлик кўраётганини айтиб ўтди. Унга тайёр бўлганингда хабар бер, мен бу таклифга розиман дедим. Насиб қилса келгуси йили ушбу жанг бўлиб ўтади. Мен доимо Ватанимиз шарафини муносиб ҳимоя қилишга тайёрман”, – дейди Мансур (Мангуст) Тўғизбоев, Sports.uz сайтимизга берган интервьюсида.

 Sports.uz

Фикрлар

Фикр қолдириш учун авторизациядан ўтинг!