Машҳур клуб бош мураббийни алмаштирганини эълон қилди

Германиянинг “Байер” клуби расмий сайти орқали испаниялик мутахассис Карлес Мартинес бош мураббий этиб тайинланганини маълум қилди.

“Байер” Карлес Мартинесни янги бош мураббий этиб тайинлади. 42 ёшли испаниялик мутахассис ўтган мавсум охиригача Франция чемпионати иштирокчиси “Тулуза” клубини бошқариб, жамоани тўққизинчи ўринга олиб чиққан эди.

Мартинес 2026 йил 1 июлдан ўз вазифасига киришади. У клуб билан 2028 йил 30 июнига қадар мўлжалланган шартнома имзолади.

Леверкузенда у бир мавсум ишлаганидан кейин клубни тарк этаётган Каспер Юльманннинг ўрнини эгаллайди.

Аввалроқ, “Реал”даги фаолиятини якунлаётган Альваро Арбелоа “Байер”га ўз хизматларини таклиф қилганди. Бироқ Леверкузен жамоаси раҳбарияти унга ишонч билдирмади.