Машҳур нашр: Мбаппе ПСЖ билан келишувга эришди

Франциялик ҳужумчи Килиан Мбаппе ПСЖда 2024 йилга қадар қолиши мумкин. 

"Le Parisien" нашрининг хабарига кўра, футболчининг амалдаги жамоаси яна икки мавсум ҳамкорликни давом эттириш бўйича ўзаро келишувга эришган.

Килиан йилига 50 миллион евро маош олади. Шунингдек, у янги битимга қўл қўйгани учун 100 миллион евро бонусга ҳам эга бўлади. Келишувда ҳамкорликни яна бир мавсумга чўздириш шарти ҳам мавжуд. 

Маълумот ўрнида, Килиан Париж клуби сафида жорий мавсум Лига 1 турнири доирасида 32 ўйин ўтказиб, 24 та гол ва 15 ассистни ўз номига ёздириб қўйган.