Мбаппе бу жамоага рад жавобини берди
“Пари Сен-Жермен” раҳбарияти жамоанинг энг қимматбаҳо ўйинчиси Килиан Мбаппе бир йилдан кейин эркин агент сифатида кетиб қолмаслиги учун уни шу ёз сотиб юбормоқчи.
24 ёшли тўпурарга оғиз солаётган клублар орасида “Манчестер Юнайтед” ҳам бор. Манчестерликлар Чемпионлар лигасига чиққанидан кейин ҳужум чизиғини сезиларли даражада кучайтиришни ўйлаяпти.
Таниқли журналист Ромайн Молинанинг айтишича, парижликлар “Манчестер Юнайтед”га Мбаппени олишни таклиф қилган.
Бироқ, Мбаппенинг ўзи бу трансферга қарши. Килиан Париждан кетадиган бўлса, фақат “Реал”га ўтишини уқтирмоқда.
Фикрлар