Мбаппе Франция чемпионатининг энг яхши футболчиси деб топилди

ПСЖ ҳужумчиси Килиан Мбаппе 2022 йилнинг ноябрь ва декабрь ойларида Франция чемпионатининг энг яхши футболчиси деб топилди. 24 ёшли ҳужумчи Франция футболчилари уюшмаси сайтида ўтказилган овоз бериш жараёнида ғалаба қозонди.

Айтиш лозимки, Мбаппе ноябрь ва декабрь ойларида 3 та ўйинда майдонга тушиб, 2 та гол урди. Ушбу баҳсларнинг барчасида Париж клубининг қўли баланд келди.

Килиан жорий мавсум Лига 1 да жами 17 та ўйинда майдонга тушди ва ўз ҳисобига 13 та гол ҳамда 2 та голли узатмага муаллифлик қилди.

Чемпионатнинг 19-тур якунларига кўра, парижликлар 47 очко жамғариб, турнир жадвалида пешқадамлик қилмоқда.