Мбаппе Франция терма жамоасидан кетди

ПСЖ ҳужумчиси Килиан Мбаппе Франция терма жамоасининг Евро-2020 саралашидан ўрин олган бўлажак учрашувларида иштирок этмайди.

Франция футбол федерацияси матбуот хизмати тарқатган хабарга кўра ўтказилган тиббий текширувлардан сўнг терма жамоа бош мураббийи Дидье Дешам футболчини ПСЖ ихтиёрига қайтариб юборишга қарор қилган.

Энди Мбаппенинг терма жамоадаги ўрнини “Боруссия М” аъзоси Алассан Плеа эгаллайди.

Маълумот учун, Франция дастлаб Исландия майдонига сафар қилади, кейин эса ўз майдонида Туркия терма жамоасини қабул қилади.