Мбаппе ҳафсалани пир қилди

ПСЖ раҳбарияти, айниқса, клуб президенти Нассер Хелаифий жамоа ҳужумчиси Килиан Мбаппенинг хатти-ҳаракатларидан норози бўлмоқда, - деб ахборот тарқатди таниқли инсайдер Фабрицио Романо.

Парижликлар 24 ёшли футболчини келаси мавсум эркин агент сифатида кетишини истамаяпти. Улар Мбаппедан шартномани узайтириш ёки шу ёзда клубни тарк этишни талаб қилмоқда.

ПСЖ позициясини Мбаппе келаси ёзда “Реал”га ўтмоқчи эканлиги ҳақидаги хабарларни инкор қилгани ҳам ўзгартиргани йўқ.

Аввалроқ, Мбаппе парижликларни келаси йили ёзда амалдаги шартномани 2025 йилгача узайтирмаслиги ҳақида огоҳлантирган эди. Ўтган йили ёзда у ПСЖ билан 2+1 кўринишидаги битим тузганди.