Мбаппе ҳақоратланган мухлисини қўллаб-қувватлади

ПСЖ ҳужумчиси Килиан Мбаппе ижтимоий тармоқларда ҳақоратланган мухлисини қўллаб-қувватлади.

VAKTERL синдроми ташхиси қўйилган 8 ёшли қизалоқ Камилла футболчини твиттерда янги йил билан табриклаб, уни ПСЖда қолишини сўраган, бироқ твиттердаги бу постга нисбатан кўплаб ҳақоратомуз жавоблар бўлган. Бир неча кун аввал, франциялик футболчининг ўзи қизни ҳақорат қилганларни қоралаган эди.

RMC Sport тарқатган хабарларга кўра, футболчи Лига 1 доирасидаги "Брест"га қарши урган голини қизалоққа бағишлаган. Голни нишонлаётган футболчи камера қаршисига югуриб келиб, "Камилла, бу сен учун",- деб бақирган.