Мбаппе катта таклифга рад жавобини берди

ПСЖ юлдузи Килиан Мбаппе сериалда суратга тушиш таклифини рад этди.

Гап шундаки, футболчига "Netflix" компаниясининг "Ten Percent" номли лойиҳасида роль ижро этиш таклифи берилган. Аммо франциялик ҳужумчи банд бўлгани учун бундан бош тортган, дея хабар бермоқда "Get French Football News" нашри.

Шундан сўнг сериал ижодкорлари бу ролга баскетболчи Тони Паркер вариантини танлаган. "Менимча, у авлиё ва улуғвор инсон",-деди картина продюсери Доминик Беснеар "France Inter"га берган интервьюсида.

23 ёшли футболчи жорий мавсум ПСЖ либосида 34 ўйинда майдонга тушиб, 24 гол ва 17 ассист муаллифига айланди.