Мбаппе учун курашга яна бир АПЛ клуби қўшилди

ПСЖ ҳужумчиси Килиан Мбаппе Европанинг яна бир топ-клуби қизиқишлари доирасига тушиб қолди. Бу ҳақда "The Times" нашри хабар берди.

24 ёшли франциялик юлдуз учун курашга "Манчестер Юнайтед" ҳам қўшилди. “Қизил иблислар” раҳбарияти ҳужумчи учун “Реал” ва Лондоннинг “Челси” жамоалари билан курашишга тайёр.

Олдинроқ Мбаппе ПСЖ билан шартномани 2025 йилгача узайтиришдан бош тортгани малум бўлганди. Шу муносабат билан парижликлар келаси ёзда уни текинга йўқотмаслик учун ҳужумчини сотишга қарор қилишди.

Килианнинг амалдаги шартномаси 2024 йилнинг июнь ойи охиригача амал қилади. Унинг трансфер нархи 180 миллион еврога баҳоланмоқда.