Мбаппе зиддиятга ойдинлик киритди

ПСЖ раҳбарияти ва Килиан Мбаппе ўртасида келишмовчилик келиб чиқди. Клуб қимматбаҳо ҳужумчини сотувга қўйди. Раҳбарият футболчидан ҳафсаласи пир бўлганини таъкидлаяпти.

Килиан Мбаппе бу тушунмовчилик сабабларини очиқлаб берди.

- ПСЖдан мени “Реал”га қўйиб юборишни сўраганим йўқ. Мен клубга шартномани 2025 йилнинг ёзигача узайтириш бандидан фойдаланмаслигимни айтдим холос.

Биз клуб билан ҳали янги битим бўйича гаплашмадик. Ҳозирча, келаси мавсумни шу ерда ўтказишдан бахтиёрлигимни айта оламан, - деди Килиан Мбаппе.

Клуб раҳбарияти келаси йили ёзда Мбаппе эркин агент сифатида бепул кетиб қолмаслиги учун, ҳужумчидан шартномани узайтириш ёки шу ёзда клубни жамоани тарк этишни талаб қилмоқда.