Мбаппени умуман кутилмаган жамоа олмоқчи

ПСЖ ҳужумчиси Килиан Мбаппе келажакда “Реал” сафига кўчиб ўтиши жуда кўп муҳокама қилинмоқда. Бироқ, 24 ёшли футболчи фаолиятини Англия Премьер-лигасида ҳам давом эттириши эҳтимоли ошиб бормоқда.

Маълумки, “Манчестер Юнайтед”га эгалик қилувчи Глейзерлар оиласи клубни сотмоқчи. Асосий харидорлардан бири қатарлик шайх Жассим ҳисобланади.

TodoFichaes нашрининг ёзишича, шайх Жассим клубни қўлга киритса, биринчи трансфер харидларидан бири айнан Килиан Мбаппе бўлади. Бадавлат шайх франциялик ҳужумчи учун ҳеч қандай маблағни аямаслиги ҳозирдан таъкидланмоқда.

Килиан Мбаппенинг ўзи ҳали келажаги бўйича бирор масалага ойдинлик киритгани йўқ. ПСЖ унинг атрофида Чемпионлар лигасида ғолиб чиқишга қодир янги жамоа лойиҳасини тузмоқда. Бироқ, пул кўп нарсани ҳал қилиши мумкин.