Мбаппенинг “Реал”га трансфери бўйича янги маълумот
Европа матбуотида “Реал” ва ПСЖ раҳбарияти парижликлар ҳужумчиси Килиан Мбаппе трансфери бўйича келишиб олгани ҳақида хабарлар тарқатилган эди.
Унга кўра, бу трансфер умумий ҳисобда “Қироллик клуби”га 250 миллион еврога тушиши айтилган. Манбалар мадридликлар бу трансфер учун бирданига 200 миллион евро тўлашини ва яна 50 миллион евро бонуслар сифатида ўтказилишини хабар қилди.
Бироқ, Испания нашрлари бу хабарни инкор этмоқда.
Хусусан, Cope нашри мадридликлар Мбаппе трансфери учун ўта катта маблағ сарфламоқчи эмаслигини таъкидлаяпти. Бу манбага кўра, клублар ўртасидаги ҳеч қандай келишув бўлмаган. “Қироллик клуби” трансфер бўйича музокара бошлаш учун қулай пайтни пойлаяпти.
Фикрлар