Mbappening “Real”ga transferi bo‘yicha yangi ma’lumot

Evropa matbuotida “Real” va PSJ rahbariyati parijliklar hujumchisi Kilian Mbappe transferi bo‘yicha kelishib olgani haqida xabarlar tarqatilgan edi.

Unga ko‘ra, bu transfer umumiy hisobda “Qirollik klubi”ga 250 million evroga tushishi aytilgan. Manbalar madridliklar bu transfer uchun birdaniga 200 million evro to‘lashini va yana 50 million evro bonuslar sifatida o‘tkazilishini xabar qildi.

Biroq, Ispaniya nashrlari bu xabarni inkor etmoqda.

Xususan, Cope nashri madridliklar Mbappe transferi uchun o‘ta katta mablag‘ sarflamoqchi emasligini ta’kidlayapti. Bu manbaga ko‘ra, klublar o‘rtasidagi hech qanday kelishuv bo‘lmagan. “Qirollik klubi” transfer bo‘yicha muzokara boshlash uchun qulay paytni poylayapti.