Men noroziman! “Barsa” taqdirimni mendan yashirib hal qilyapti!

“Barselona” yarim himoyachisi Frenki de Yong klub rahbariyatidan norozi ekanini yashirmadi. Niderlandiyalik yulduz klub xo‘jayinlari uning taqdirini yashirincha hal qilayotgani haqida jurnalist Tuis Roxoga shikoyat qildi.

Frenki de Yongga “Barselona” mutasaddilari “Manchester Yunayted” bilan muzokarani davom ettirayotgani yoqmayapti. Niderlandiyalik pleymeyker manchesterliklar safiga o‘tmasligini ta’kidlaganidan keyin ham klublar uchrashuvlarni to‘xtatmadi.

Bundan tashqari, yarim himoyachiga uning shartnomasiga tegishli bandlar internet tarmog‘iga chiqib ketgani va bunga “Barselona”ning munosabati ham ma’qul kelmagan.  

Frenki de Yongga “Manchester Yunayted”dan tashqari “Chelsi” va “Manchester Siti” ham ish berishga tayyor.