Мен “Рома”да қоламан!

Ўтган йили ёзда Жозе Моуриньо “Рома”ни қабул қилганидан кейин Римга олиб келинган Матиас Вина чемпионатнинг иккинчи ярмида асосий таркибдаги жойини йўқотди.

Римликлар Уругвайнинг  “Насьонал” клуби тарбиялаган чап қанот ҳимоячисини Бразилиянинг “Палмейрас” жамоасидан 13,6 миллион еврога трансфер қилганди. Бу ўйинчи асосий таркибнинг муқим аъзосига айлана олмади.

Шунга қарамай, 24 ёшли ҳимоячи келаси мавсум ҳам Римда қолиб, асосий таркибга кириш учун курашишга қарор қилди. Бунинг учун Матиас дебют мавсумида ўзини кўрсатган Никола Залевски ва жароҳатини даволатиб сафга қайтган Европа чемпиони Леонардо Спенаццола билан рақобатлашишига тўғри келади.

Жозе Моуриньо бошчилигидаги мураббийлар штаби келаси мавсум клубнинг бир неча мусобақада иштирок этишини инобатга олиб, футболчининг қолишига рухсат берди.