Мени “Ювентус”га жойла!

“Рома” ҳимоячиси Рик Карсдорп энди Жозе Моуриньо қўл остида тўп тепмоқчи эмас. Нидерландиялик футболчи қишки трансферлар вақтида ўзига янги жамоа топишга қарор қилди.

Карсдорп атрофидаги вазиятни кузатиб бораётган бир неча жамоа 27 ёшли футболчига иш беришга тайёр.

Италия матбуотининг ёзишича, Карсдорпнинг ўзи “Ювентус”га ўтишга мойиллик билдиряпти. Маълумотларга қараганда, тажрибали ҳимоячи ўз агентига туринликлар билан музокара ўтказишни вазифа қилиб қўйган.

“Ювентус” раҳбарияти ҳам Рик Карсдорп бўйича музокара тайёрлиги айтилмоқда.

Карсдорпнинг “бўрилар” билан келишуви 2025 йилнинг 30 июнигача давом эттиши белгиланган. Унинг трансфер суммаси 9 миллион еврони ташкил қилади.