Месси “Барселона” чемпионлигига қандай муносабат билдирди?

Айни пайтда АҚШнинг “Интер Майами” жамоасида ўйнаётган Лионель Месси собиқ жамоаси “Барселона”нинг Испания чемпионатидаги ғалабасига муносабат билдирди.

Аргентиналик юлдуз ижтимоий тармоқдаги саҳифасига қисқагина қилиб, “Табриклайман”, деб изоҳ қолдирди холос.

Таъкидлаш жоизки, Каталония клуби аргентиналик юлдуз 2021 йили клубни тарк этганидан бери жами бешта совринни қўлга киритди.

Умумий ҳисобда, “Барселона” ўз тарихида 28 марта Испания чемпиони бўлган. Бу кўрсаткич бўйича каталонияликлар ашаддий рақиб – “Реал”дан орқада. Мадрид суперклуби Ла Лигада 36 маротаба бош совринга эга чиққан.