Месси бизда ўйнайди

“Барселона” раҳбарияти ҳам, футболчилар ҳам ПСЖ ҳужумчиси Лионель Месси келаси мавсумни Каталонияда бошлашига ишонмоқда.

Аргентиналик жаҳон чемпиони янги шартнома борасида ПСЖ билан келиша олмаяпти. Аниқроғи, парижликлар у сўраган маошни бермайдиган бўлди.

Месси ёзда эркин агентга айланади. “Барселона”да ўйнаш учун маошини пасайтирилишига рози бўлиши айтилмоқда.

Хави Эрнандес собиқ жамоадошига таркибдан жой ажратиб қўйгани ҳақида ҳам хабарлар чиқмоқда. Клуб раҳбарияти эса, Мессини олиб келишга тўсқинлик қилаётган молиявий ҳолатни ўнглаш йўлларини қидиряпти.