Messi PSJning chempionlik o‘yinida qatnashmaydi

PSJ futbolchisi Lionel Messi jamoasining keyingi o‘yinida ishtirok eta olmaydi. Bu haqda klub matbuot xizmati berdi. 

Unda aytilishicha, Leo tovon qismini shikastlab olgan. Shu sabab u "Anjer"ga qarshi bahsni o‘tkazib yuboradi. Shuningdek, tarkibdagi Marko Verrati va Presnel Kimpembeda ham jarohat borligi aytib o‘tilgan.  

Ma’lumot o‘rnida, "Anjer" - PSJ uchrashuvi bugun tungi soat 00:00da start oladi. Agar parijliklar bu o‘yinda zafar quchsa, muddatidan oldin Frantsiya chempioniga aylanadi.