Месси ва Неймар “фитна”га сабаб бўляпти

ПСЖ футболчилари орасида мураббийлар штаби, хусусан, бош мураббий  Кристоф Галтьега нисбатан норозилик кучайиб бормоқда.

RMC Sport нашрининг маълум қилишича, аксарият ўйинчиларга машғулот жараёни маъқул эмас. Айниқса, бош мураббий айрим футболчиларни олдинда ўйнатиш эвазига қолганларни ҳимоя чизиғида ушлаб қолаётгани кўп эътироз келтириб чиқармоқда.

Бундан ташқари, бош мураббий жанубий америкалик юлдузлар – Лионель Месси ва Неймарни ҳимоя қилиб келаётгани ва бошқалардан устун қўйиши жамоа ичида кескин норозиликларга сабаб бўляпти.  

Айрим футболчилар ўйин давомида уларга тўп оширилмаётгани, бош мураббий талабига кўра, пасларнинг ҳаммаси аргентиналик юлдузга узатилаётганига эътироз билдирмоқда.