Мессидан жорий мавсум рекордлари
“Барселона” етакчиси Лионель Месси мамлакат чемпионати олтин медалларидан қуруқ қолган бўлса-да, шахсий рекордлари сонини кўпайтириб олди.
Мессининг жорий мавсумдаги 11 рекорди қуйидагилардан иборат бўлди:
- Примерада еттинчи марта тўпурарлар совринини қўлга киритди.
- Ла Лигада бир мавсумда энг кўп – 21 та ассистни амалга оширди.
- Чемпионатда бир мавсумда 20 тадан кўп гол ва 20 тадан кўп ассистни амалга оширган биринчи футболчи.
- Етти марта ойнинг энг яхши футболчиси бўлди.
- Примерада қаторасига 12 мавсум 20 та ва ундан кўп гол урган дастлабки ҳужумчи.
- “Гол+пас” тизими бўйича 1000 очко тўплаган ягона ўйинчи.
- Испания футболи тарихида 500 та ғалабани нишонлаган ягона футболчи.
- Ла Лигада энг кўп – 36 та хет-трик соҳиби.
- “Реал”га қарши энг кўп – 43 та ўйинда майдонга тушган футболчи.
- Европа Чемпионлар лигасида қаторасига 15 та мавсумдан бери гол ураётган ягона тўпурар.
- Европа Чемпионлар лигаси тарихида энг кўп – 34 та жамоа дарвозасини ишғол қилган футболчи.
Фикрлар