Мессига катта харидор чиқди. Вазият ўзгариб кетиши мумкин
“Челси”ни харид қилган Тодд Бёли жамоасига катта юлдузларни олиб келишга қизиқар экан. Ёзда Криштиану Роналдуни трансфер қилишга қизиққан америкалик бизнесмен энди Лионель Мессини кўзламоқда.
Аргентиналик футболчининг ПСЖ билан амалдаги шартномаси ёзда якунига етади. Тодд Бёли бундан унумли фойдаланиб қолмоқчи. Унга Мессининг талабларини қондириш учун молиявий муаммо йўқ.
35 ёшли ҳужумчининг ўзи келажагини жаҳон чемпионатидан кейин ҳал қилишини айтгани “Челси” хўжайинига Мессини трансферга кўндириш учун вақт ва имконият тақдим қилади.
Мутахассислар Испания ва Франция чемпионлигини қўлга киритган Месси учун дунёнинг энг кучли чемпионати ҳисобланган Англия премьер-лигасида ўйнаш ҳам қизиқ бўлишини айтмоқда.
Фикрлар