"Металлург" "Пахтакор" тарбияланувчиси билан шартнома имзолади

Ёзги трансфер ойнаси ёпилишига бир кун қолганда “Металлург” ПФК ўз таркибига Ўзбекистон U-20 терма жамоаси ўйинчиси Миркомил Абдураззоқовни қўшиб олди.

“Пахтакор” футбол клуби тарбияланувчиси Миркомил Абдураззоқов “Металлург” таркибида ижара асосида тўп тепадиган бўлди.

Миркомил Абдураззоқов 18 ёшда. 2004 йилнинг 26 январь санасида Фарғона вилоятида таваллуд топган. Амплуаси ҳимоячи. Миркомил “Пахтакор U-21” жамоаси таркибида биринчи давранинг 8 та учрашувида майдонга тушиб, битта гол киритган. Асосий таркиб учрашувларида қайдномага киритилган бўлса-да, ўйин амалиётига эга бўлмади.