Мейвезер ва Макгрегор жанги бокс ва MMA учун ҳақоратдир
Тўрт вазн тоифасининг собиқ жаҳон чемпиони Хуан Мануэль Маркес Флойд Мейвезер ва Конор Макгрегор ўртасида жанг ташкил қилиш ғоясини қаттиқ танқид қилди.
– Бу жанг спорт учун шармандалик ва ҳаваскорлар бокси ҳамда UFC мухлислари учун ҳақоратдир. Ҳар бир спорт тури ҳурматга лойиқ. Бокс ва MMA ҳам шулар қаторида. Мазкур жангни ташкил қилиш мумкин эмас. Макгрегор бунда ютишига ҳеч қандай имконият йўқ, – дейди Маркес.
Эслатиб ўтамиз, UFC президенти Дэйн Уайт Мейвезер - Макгрегор жанги борасида келишувга эришганлини инкор қилиб, буни тасдиқламаган.
Аввалроқ Лас-Вегасдаги “Ти-Мобайл Арена” аренаси бу спортчилар ўртасидаги жанг учун 10 июнга банд қилинганлиги маълум қилинган эди. Мазкур тўқнашув бокс қоидаларига ўтказилиш режалаштирилган.
Фикрлар