"Милан" 22 ёшли норвегиялик футболчини кўз остига олиб қўйди

"Милан" клуби "Селтик"нинг норвегиялик ҳимоячиси Кристоффер Айерни ўз сафига қўшиб олмоқчи.

The Sunday Post нашри тарқатган хабарга кўра, “россонерилар” 22 ёшли футболчи учун 25 миллион евродан воз кечишга тайёр.

Бундан аввалроқ, Айерга Мадриднинг икки гранди - "Реал" ва "Атлетико" ҳам қизиқиш билдираётгани ҳақида хабарлар тарқалган эди.

Айер жорий мавсум “Селтик” сафида 49 та ўйинда майдонга тушди ва 4 та гол ҳамда 2 та голли узатмага муаллифлик қилди. Унинг клуб билан амалдаги шартномаси 2022 йилга қадар имзоланган.