"Милан" ҳимоячиси ПСВни қизиқтириб қўйди

"Милан" ҳимоячиси Рикардо Родригес фаолиятини Голландия чепионатида давом эттириши мумкин. Бу ҳақда De Telegraaf нашри хабар тарқатмоқда.

Юқоридаги манбаага кўра эйндховенликлар тезкорлик билан чап қанот ҳимоячиси сотиб олишмоқчи ва бу борада улар айнан “россонерилар” футболчисига қизиқиб қолишди.

Маълумот учун, 27 ёшли швейцариялик футболчи “Милан” сафида 2017 йилдан буён тўп суриб келмоқда. У ўтган давр мобайнида жами 93 та ўйинда майдонга тушди ва 4 та гол ҳамда 5 та голли узатмага муаллифлик қилди. Унинг трансфери эса 10 млн еврога баҳоланмоқда.