"Милан" "Локомотив" футболчиси учун курашдан чиқди

Москванинг "Локомотив" клуби ярим ҳимоячиси Алексей Миранчук ортиқ "Милан"ни қизиқтирмайди.

Calciomercato нашри тарқатган хабарга кўра россиялик футболчини сотиб олиш режасидан қайтиш "Милан" спорт директори Звонимир Бобан томонидан илгари сурилган. Бобан Миранчук ўрнига бошқа футболчиларга эътиборни қаратишни айтган.

Эслатиб ўтамиз, бундан аввалроқ Миранчук учун Италиянинг бошқа бир гранди – “Ювентус” ҳам кураш олиб бораётгани ҳақида хабарлар тарқалган эди.

Маълумот учун, Алексей жорий мавсум “Локомотив” сафида 19 та ўйинда майдонга тушди ва ўз ҳисобига 9 та гол ҳамда 4 та ассист ёздириб қўйишга эришди.