"Милан" ва "Интер" қиймати 1 миллиард евро бўлган янги стадион лойиҳасини намойиш қилди (ФОТО)

Бугун Миландаги "Сан-Сиро" ("Жузеппе Меацца") стадиони ҳудудида қурилажак янги стадион ва истироҳат боғи лойиҳасининг тақдимоти бўлиб ўтди.

“Милан” ва “Интер” клублари шаҳар мэрига янги стадион қуриш бўйича ўзларининг қўшма дастурини тақдим қилишди. Унга кўра, бу ерда нафақат янги стадион, балки спорт ва кўнгилочар иншоотлар қуриш ҳам режалаштирилган.

Янги аренанинг қиймати 1 миллиард еврога тенг бўлади ва у ўз бағрига 60 минг томошабинни сиғдира олади.